«Мектепке жол» қайырымдылық акциясы

Қайырымдылық – адам бойындағы ізгі іске бағыттайтын алтын қақпа тәрізді. Елімізде қайырымдылық шаралардың жиі өтетіндігі белгілі. Сол қайырымдылық шаралардың бірі де бірегейі жыл сайын Республикалық дейгейде өткізілетін «Мектепке жол» қайырымдылық акциясы. Ағымдағы жылы көмеккке мұқтаж балаларды барынша қамту мақсатында «Мектепке жол» қайырымдылық акциясы оның дәстүрлі басталуына бір ай ерте, шілде айынан басталды.
Қайырымдылық акцияның мақсаты – аз қамтылған, көп балалы отбасындағы балалардың, жетім, ата-анасының қамқорлығынсыз қалған балалардың алаңсыз білім алуына жағдай жасау.
Бұл қайырымдылық акциясы біздің Ю.А.Гагарин атындағы №16 орта мектебімізде де өз жалғасын табуда. Қазақстан Республикасы Білім және ғылым министрлігінің «Мектепке жол» дәстүрлі жалпы республикалық акциясының өткізу туралы хатына және Іле ауданының білім бөлімінің 05.07.2019 жылғы №481 бн/қ бұйрығының негізінде мектепшілік бұйрық шығарылып, жоспар құрылды. Бұйрыққа сәйкес «Мектепке жол» акциясын өткізу және ұйымдастыру жөніндегі іс-шаралар жоспары құрылып, бекітілді. Оқушылардың сабаққа бармауының алдын алу мақсатында халықты ақпараттандыруда ақпараттық үгіт насихат жұмыстары жүргізілді. Мектепке жол стенді безендірілді. Мектептің сыртқы қабырғасына «Мектепке жол» баннері ілінді.

[/center]

[/center]